Beharbari Outpost : কেকে-মোহনক চিনি নজনা অসমত নাই। অভিনেতা সিদ্ধাৰ্থ শৰ্মা ওৰফে কে কে আৰু দ্বীপজ্যোতি কেওট ওৰফে মোহনে ‘বেহাৰবাৰী আউটপোষ্ট’ ধাৰাবাহিকৰ জৰিয়তে অসমৰ ৰাইজৰ মাজত অতি জনপ্ৰিয় হৈ পৰিছিল তেওঁলোকৰ কমেডীয়ে প্ৰতিজন দৰ্শকক হাঁহিবলৈ বাধ্য কৰাইছিল। এই অভিনেতা দুগৰাকীয়েই ‘বেহাৰবাৰী আউটপোষ্ট’ ধাৰাবাহিকখনে জনপ্ৰিয়তাৰ শিখৰত উপনীত হোৱাৰ কাৰণ আছিল। কিছুদিন আগৰ পৰা বেহাৰবাৰী আউটপোষ্টত দেখা পোৱা নাই অভিনেতা দুগৰাকীক।
- List Of Ahom King . Ahom Kingdom.
- চুডাংফা ( Chaupha Siu-Dang-Pha ) Sudangpha : The Legend of Bamuni Konwar
- উচ্চ ৰক্তচাপ (High Blood Pressure ): এক নিৰৱ হত্যাকাৰী (Silent Killer)আৰু ইয়াৰ পৰিচালনাৰ উপায়
- শ্রীমদ্ভগবদ্গীতা: Shrimad Bhagavad Gita (Assamese) Chapter 1 Shloka 5
- দাম বৃদ্ধি পাব জীও ৰ ( Jio Recharge Price hike ) , চাওক জুলাই মাহৰ পৰা কিমান দিব লাগিব
বেহাৰবাৰী আউটপোষ্ট এৰি যোৱাৰ কাৰণ মুকলিকৈ প্ৰকাশ কৰা নাই সিদ্ধাৰ্থ শৰ্মা আৰু দ্বীপজ্যোতি কেওটে। কিন্তু বেহাৰবাৰী আউটপোষ্ট এৰি যোৱাৰ পিছত তেওঁলোকে আন এটা মনোৰঞ্জন চেনেলৰ এখন ধাৰাবাহিকত অভিনয় কৰিছে। কিন্তু সিদ্ধাৰ্থ শৰ্মা আৰু দ্বীপজ্যোতিয়ে ‘বেহাৰবাৰী আউটপোষ্ট’ এৰি যোৱাৰ বাবে অনুশোচনা কৰিছেনে!
শেহতীয়াকৈ কেকে ওৰফে সিদ্ধাৰ্থ শৰ্মাই ফেচবুকত এটা পোষ্ট লিখিছে। দ্বীপজ্যোতি কেওটৰ সৈতে এখন ফটো শ্বেয়াৰ কৰিছে অভিনেতাজনে। দুয়োকে অত্যন্ত হতাশ যেন লাগে! অৱশ্যে এইখন শ্বুটিং ফটোও হ’ব পাৰে! ফটোখনৰ কেপচনত সিদ্ধাৰ্থ শৰ্মাই লিখিছে-
সিদ্ধাৰ্থ শৰ্মাই কেপচনত লিখিছে, “আমাৰ ভুলৰ বাবেই হয়তো ‘দুপৰীয়া বৃন্দাবন’ বন্ধ হৈ যাব। বৰ্তমান অভিনেতা দুগৰাকীয়ে কাম কৰি থকা ধাৰাবাহিকখনৰ নাম হৈছে ‘আফটাৰনুন বৃন্দাবন’। ‘বেহাৰবাৰী আউটপোষ্ট’ এৰি যোৱাৰ পিছত সম্প্ৰতি এই ধাৰাবাহিকখনত অভিনয় কৰিছে অভিনেতা দুগৰাকীয়ে।
কিন্তু সিদ্ধাৰ্থ শৰ্মাৰ এই পোষ্টটোৰ উদ্দেশ্য কি? এইটো সঁচাকৈয়ে অনুশোচনাৰ বাবে লিখা হৈছে নে অপপ্ৰচাৰৰ কৌশল? বৰ্তমান আপুনি অভিনয় কৰা ধাৰাবাহিকখনৰ প্ৰতি দৰ্শকক আকৰ্ষণ কৰাৰ কৌশল নেকি?
যদি তেওঁ অনুশোচনাত লিখিছে, তেন্তে বেহাৰবাৰী আউটপোষ্ট এৰি যোৱাৰ বাবে সিদ্ধাৰ্থ শৰ্মাই আক্ষেপ কৰিছেনে? বেহাৰবাৰী আউটপোষ্টলৈ উভতি যাবনে? জনপ্ৰিয় অভিনেতা দুগৰাকীয়ে পুনৰ কেকে-মোহনৰ চৰিত্ৰত অভিনয় কৰিবনে? সেয়া অৱশ্যে এতিয়াও স্পষ্ট হোৱা নাই।
