লেফটেনেণ্ট জেনেৰেল উপেন্দ্ৰ দ্বিবেদী হ’ব দেশৰ পৰৱৰ্তী সেনা প্ৰধান (জেনেৰেল উপেন্দ্ৰ দ্বিবেদী নতুন সেনা মুৰব্বী)। তেওঁ বৰ্তমানৰ সেনা প্ৰধান জেনেৰেল মনোজ পাণ্ডেৰ ঠাইত আহিব। মঙলবাৰে নিশা চৰকাৰে এই ঘোষণা কৰে। অহা ৩০ জুনত বিয়লি তেওঁ দায়িত্ব ল’ব। লেফটেনেণ্ট জেনেৰেল দ্বিবেদীৰ চীন আৰু পাকিস্তানৰ সীমান্তত কাম কৰাৰ বিপুল অভিজ্ঞতা আছে। কাশ্মীৰতো তেওঁক পোষ্ট কৰা হৈছে। বৰ্তমান জেনেৰেল উপেন্দ্ৰ দ্বিবেদীয়ে উপ সেনাধ্যক্ষ হিচাপে কাৰ্যনিৰ্বাহ কৰি আছে। অহা ৩০ জুনত জেনেৰেল মনোজ পাণ্ডেই অৱসৰ ল’ব, তেতিয়া উপেন্দ্ৰ দ্বিবেদীয়ে নতুন সেনা প্ৰধানৰ দায়িত্ব ল’ব। লেফটেনেণ্ট জেনেৰেল দ্বিবেদীৰ নিযুক্তিত চৰকাৰে জ্যেষ্ঠতাৰ আদেশ মানি চলিছে।
বৰ্তমানৰ সেনা প্ৰধান জেনেৰেল মনোজ পাণ্ডেই ২০২৪ চনৰ ৩০ জুনত অৱসৰ ল’ব। ১৯৬৪ চনৰ ১ জুলাইত জন্মগ্ৰহণ কৰা দ্বিবেদীয়ে ১৯৮৪ চনৰ ১৫ ডিচেম্বৰত ভাৰতীয় সেনাৰ জম্মু-কাশ্মীৰ ৰাইফলছৰ পদাতিক বিভাগত কমিচন লাভ কৰে। প্ৰায় ৪০ বছৰীয়া কেৰিয়াৰত তেওঁ বহুতো কমাণ্ড, ষ্টাফ, ইনষ্ট্ৰকচনেল আৰু বিদেশী নিযুক্তিৰ কাম কৰিছে। তেওঁ ৰেজিমেণ্ট (১৮ জম্মু-কাশ্মীৰ ৰাইফল), ব্ৰিগেড (২৬ ছেক্টৰ অসম ৰাইফল), ডি আই জি, আছাম ৰাইফলছ (পূব) আৰু ৯ কৰ্পছৰ কমাণ্ডাৰ হিচাপে কাম কৰি আহিছে।
৩০ জুনত দায়িত্ব গ্ৰহণ কৰিব নতুন সেনা প্ৰধানে
প্ৰতিৰক্ষা মন্ত্ৰালয়ে কয় যে, “চৰকাৰে ৩০ জুনৰ পৰা কাৰ্যকৰী হোৱাকৈ বৰ্তমান উপ-সেনা প্ৰধান হিচাপে কাৰ্যনিৰ্বাহ কৰা লেফটেনেণ্ট জেনেৰেল উপেন্দ্ৰ দ্বিবেদীক পৰৱৰ্তী সেনা প্ৰধান হিচাপে নিযুক্তি দিছে।” এক বিৰল পদক্ষেপত চৰকাৰে যোৱা মাহত জেনেৰেল মনোজ পাণ্ডেৰ কাৰ্যকাল এমাহ বৃদ্ধি কৰিছিল, যিটো তেওঁৰ অৱসৰৰ কিছুদিন পূৰ্বে। ইয়াৰ পূৰ্বে তেওঁ ৩১ মে’ত অৱসৰ ল’ব লাগিছিল।
নতুন সেনা প্ৰধান উপেন্দ্ৰ দ্বিবেদীৰ বিষয়ে জানি লওক
বৰ্তমান লেফটেনেণ্ট জেনেৰেল উপেন্দ্ৰ দ্বিবেদীয়ে ১৯ ফেব্ৰুৱাৰীত উপ সেনা প্ৰধান হিচাপে কাৰ্যনিৰ্বাহ কৰি আছে।ইয়াৰ পূৰ্বে লেফটেনেণ্ট জেনেৰেল দ্বিবেদীয়ে ২০২২-২০২৪ চনলৈকে উত্তৰ কমাণ্ডৰ জেনেৰেল অফিচাৰ কমাণ্ডিং-ইন-চিফ হিচাপে কাৰ্যনিৰ্বাহ কৰিছিল তেখেতে চীনৰ সৈতে চলি থকা আলোচনাত গুৰুত্বপূৰ্ণ ভূমিকা পালন কৰিছিল। তেখেতে ১৯৮৪ চনৰ ১৫ ডিচেম্বৰত ভাৰতীয় সেনাবাহিনীৰ ১৮-জম্মু কাশ্মীৰ ৰাইফলছত যোগদান কৰে।পিছত তেওঁ ইউনিটৰ কমাণ্ড কৰে। প্ৰায় ৪০ বছৰীয়া কেৰিয়াৰত তেওঁ বহু গুৰুত্বপূৰ্ণ দায়িত্ব চম্ভালিছে।
