Draupadi Murmu: জনজাতীয় সমাজৰ অন্তৰ্গত, ঝাৰখণ্ডৰ প্ৰাক্তন ৰাজ্যপাল, দ্ৰৌপদী মুৰ্মু দেশৰ পৰৱৰ্তী ৰাষ্ট্ৰপতি হবলৈ গৈ আছে ।

Date:

- Advertisement -

- Advertisement -

সকলো জল্পনা-কল্পনাৰ অন্ত পেলাই এনডিএ (NDA)য়ে দ্ৰৌপদী মুৰ্মুক ৰাষ্ট্ৰপতি পদৰ প্ৰাৰ্থী হিচাপে নামকৰণৰ এক বৃহৎ ঘোষণা কৰিছে। তেওঁ পূৰ্বে ঝাৰখণ্ডৰ ৰাজ্যপাল আছিল।

 

- Advertisement -

ৰাষ্ট্ৰপতি পদৰ প্ৰাৰ্থীৰ নাম ঘোষণা কৰি বিজেপি প্ৰধান জে পি নাড্ডাই কয় যে প্ৰথমবাৰৰ বাবে এগৰাকী মহিলা জনজাতীয় প্ৰাৰ্থীক অগ্ৰাধিকাৰ দিয়া হৈছে। আগন্তুক ৰাষ্ট্ৰপতি নিৰ্বাচনৰ বাবে আমি দ্ৰৌপদী মুৰ্মুক এনডিএৰ প্ৰাৰ্থী হিচাপে ঘোষণা কৰিছো।

- Advertisement -

উল্লেখযোগ্য যে ওড়িশাৰ ময়ুৰভঞ্জ জনজাতীয় জিলাৰ ৰাইৰাংপুৰ গাঁৱত জন্মগ্ৰহণ কৰা দ্ৰৌপদী মুৰ্মুৱে ঝাৰখণ্ডৰ প্ৰথমগৰাকী মহিলা ৰাজ্যপাল হিচাপে পৰিগণিত হৈছে। ২০১৫ চনৰ ১৮ মে’ৰ পৰা ২০২১ চনৰ ১২ জুলাইলৈ ঝাৰখণ্ডৰ ৰাজ্যপাল আছিল দ্ৰৌপদী। ঝাৰখণ্ডৰ নৱমগৰাকী ৰাজ্যপাল আছিল দ্ৰৌপদী মুৰ্মু । দ্ৰৌপদী মুৰ্মু দেশৰ প্ৰথম জনজাতীয় মহিলা ৰাজ্যপাল।

দ্ৰৌপদী মুৰ্মু কোন?

২০১৫ চনৰ ১৮ মে’ত ঝাৰখণ্ডৰ গৱৰ্ণৰ হিচাপে শপত গ্ৰহণ কৰাৰ পূৰ্বে দ্ৰৌপদী মুৰ্মুৱে ওড়িশাত দুবাৰকৈ বিধায়ক আৰু এবাৰ ৰাজ্যমন্ত্ৰী হিচাপে কাৰ্যনিৰ্বাহ কৰিছিল। ২০২০ চনৰ ১৮ মে’ত তেওঁৰ ৰাজ্যপাল হিচাপে পাঁচ বছৰীয়া কাৰ্যকাল সম্পূৰ্ণ হৈছিল যদিও কৰ’নাৰ বাবে ৰাষ্ট্ৰপতিয়ে নতুন নিযুক্তি নিদিয়াৰ বাবে তেওঁৰ কাৰ্যকাল স্বয়ংক্ৰিয়ভাৱে বৃদ্ধি কৰা হয়। গোটেই কাৰ্যকালত তেওঁ কেতিয়াও বিতৰ্কৰ সন্মুখীন হোৱা নাই। জনজাতীয় বিষয়, শিক্ষা, আইন-শৃংখলা, ঝাৰখণ্ডৰ স্বাস্থ্য সম্পৰ্কীয় বিষয়বোৰত তেওঁ সদায় সজাগ আছিল। কেইবাবাৰো তেওঁ সাংবিধানিক মৰ্যাদা আৰু শালীনতাৰে ৰাজ্য চৰকাৰৰ সিদ্ধান্তত হস্তক্ষেপ কৰিছিল। 

১৯৫৮ চনৰ ২০ জুনত ওড়িশাত এটা সাধাৰণ সন্থাল জনজাতীয় পৰিয়ালত জন্মগ্ৰহণ কৰা দ্ৰৌপদী মুৰ্মুৱে ১৯৯৭ চনত ৰাজনৈতিক জীৱন আৰম্ভ কৰে। ১৯৯৭ চনত ওড়িশাৰ ৰাইৰাংপুৰত জিলা ব’ৰ্ডৰ কাউন্সিলাৰ হিচাপে নিৰ্বাচিত হৈছিল। ৰাজনীতিত যোগদান কৰাৰ পূৰ্বে ৰাইৰাংপুৰৰ শ্ৰী ঔৰোবিন্দো ইন্টিগ্ৰেল এডুকেচন এণ্ড ৰিচাৰ্চত সন্মানীয় সহকাৰী শিক্ষয়িত্ৰী হিচাপে কাম কৰিছিল আৰু জলসিঞ্চন বিভাগত কনিষ্ঠ সহায়িকা হিচাপে কাম কৰিছিল। উৰিষ্যাত দুবাৰকৈ বিধায়ক হোৱাৰ লগতে নবীন পাটনায়ক চৰকাৰত মন্ত্ৰী হিচাপেও কাম কৰাৰ সুযোগ পাইছে। সেই সময়ত বিজু জনতা দল আৰু বিজেপিৰ মিত্ৰজোঁটৰ চৰকাৰ আছিল। ওড়িশা বিধানসভাই শ্ৰেষ্ঠ বিধায়কৰ নীলকণ্ঠ বঁটাও প্ৰদান কৰে দ্ৰৌপদী মুৰ্মুক।

তেওঁৰ নাম ঘোষণাৰ লগে লগে ৰাজনৈতিক বিশেষজ্ঞসকলে কয় যে আগন্তুক গুজৰাট, ছত্তীশগড় আৰু মধ্যপ্ৰদেশত হ’বলগীয়া বিধানসভা নিৰ্বাচনৰ প্ৰতি লক্ষ্য ৰাখি বিজেপিয়ে জনজাতীয় জনগোষ্ঠীটোৰ ওপৰত গুৰুত্ব দিছে। তেওঁলোকৰ অজুহাতত দলটোৱে জনজাতীয় ভোটৰ ওপৰত চকু ৰাখিছে বুলি ধাৰণা কৰা হৈছে।

 

এইবাৰ দেশে জনজাতীয় ৰাষ্ট্ৰপতি লাভ কৰিবলৈ গৈ আছে । ইয়াৰ আগতে এতিয়ালৈকে দেশত কোনো জনজাতীয় ৰাষ্ট্ৰপতি নাছিল। 

- Advertisement -

LEAVE A REPLY

Please enter your comment!
Please enter your name here

Share post:

Subscribe

Popular

More like this
Related

Chandrayaan-3 : চন্দ্ৰযান-৩ অৱতৰণ স্থানৰ নাম ‘শিৱ শক্তি’ আন্তঃৰাষ্ট্ৰীয় জ্যোতিৰ্বিজ্ঞান সংঘৰ ( International Astronomical Union ) অনুমোদিত

Chandrayaan-3 চন্দ্ৰযান-৩ অৱতৰণ স্থানৰ নাম 'শিৱ শক্তি' আন্তঃৰাষ্ট্ৰীয় জ্যোতিৰ্বিজ্ঞান...

PM Surya Ghar Muft Bijli Yojana Assam : প্ৰধানমন্ত্ৰী সূৰ্য ঘৰ আঁচনিৰ বাবে অসম চৰকাৰে দিব ৰাজসাহায্য।

প্ৰধানমন্ত্ৰী সূৰ্য ঘৰ আঁচনিৰ বাবে অসম চৰকাৰে দিব ৰাজসাহায্য।...

What is CAA । নাগৰিকত্ব সংশোধনী আইন বা CAA কি? এই বিষয়ে ইমান বিতৰ্ক কিয় ?

What is CAA : ভাৰতত কাৰ্যকৰী কৰা হৈছে নাগৰিকত্ব...