নীট পৰীক্ষাৰ অনিয়মৰ ক্ষেত্ৰত ধাৰাবাহিকভাৱে ডাঙৰ ডাঙৰ প্ৰকাশ। গুজৰাট আৰক্ষীয়ে অভিযান চলাই গ্ৰেপ্তাৰ কৰিছে ৫জন অভিযুক্তক। তদন্তত প্ৰকাশ পাইছে যে গুজৰাটৰ গোধৰাত এটা বিশেষ কেন্দ্ৰ বাছনি কৰা হৈছিল। তাত কেন্দ্ৰটো বাছি লোৱাৰ বাবে ১০ লাখ টকাকৈ উৎকোচ লোৱা হৈছিল। অভিযুক্তৰ পৰা মুঠ ২.৩০ কোটি টকাৰ লেনদেন ধৰা পৰিছে। এই গোচৰৰ তদন্তৰ বাবে গোধৰাৰ পঞ্চমহল আৰক্ষীয়ে এছ আই টি গঠন কৰিছে। অভিযুক্তৰ পৰা জব্দ কৰা হৈছে মোবাইল-ইলেক্ট্ৰনিক যন্ত্ৰ।
![](https://natunassam.in/wp-content/uploads/2024/06/image-11.png)
পৰীক্ষা অনুষ্ঠিত কৰাৰ বাবে ২.৩০ কোটি টকাৰ আৰ্থিক লেনদেন কৰা হৈছিল। ৰয় অভাৰচিজৰ স্বত্বাধিকাৰী পৰশুৰাম ৰায়ে উত্তীৰ্ণ কৰিবলৈ চেক আৰু ধন লৈছিল। একাংশ অভিভাৱকৰ তদন্তত প্ৰকাশ পাইছে যে পৰশুৰাম ৰায়ৰ চেক যোগে ২.৩০ কোটি টকাৰ আৰ্থিক লেনদেন কৰা হৈছিল। যিসকল ছাত্ৰ-ছাত্ৰীৰ তালিকা পোৱা গৈছিল তেওঁলোকৰ জেৰাৰ সময়ত আৰ্থিক লেনদেনৰ তথ্য পোহৰলৈ আহে। ইয়াৰ পিছতে অভিযুক্তৰ মোবাইল আৰু অন্যান্য ইলেক্ট্ৰনিক সঁজুলি জব্দ কৰি এফ এছ এললৈ প্ৰেৰণ কৰে।
আৰক্ষীয়ে গ্ৰেপ্তাৰ কৰে ৫ অভিযুক্তক
লাভ কৰা ছাত্ৰ-ছাত্ৰীৰ তালিকাৰ পৰা ধন লৈ NEET পৰীক্ষাত উত্তীৰ্ণ হোৱাৰ ষড়যন্ত্ৰ ৰচনা কৰা বুলি সন্দেহ প্ৰকাশ কৰে। এই গোচৰত মূল অভিযুক্ত তুষাৰ ভটৰ নিয়মীয়া জামিন আৱেদন গোধৰা অধিবেশন আদালতে বাতিল কৰিছে। লগতে গোচৰৰ তদন্তৰ সময়ত এই পৰ্যন্ত ৫জন অভিযুক্তক গ্ৰেপ্তাৰ কৰা হৈছে। বৰ্তমান সকলো অভিযুক্ত ন্যায়িক জিম্মাত আছে। এন টি এৰ পৰা তথ্য আহৰণৰ বাবে গঠন কৰা হৈছে বিশেষ আৰক্ষীৰ দল। এই বিষয়ত ছাত্ৰ-ছাত্ৰী আৰু অভিভাৱকৰ বক্তব্যও লোৱা হৈছে।
এই বিদ্যালয়ত কেন্দ্ৰ স্থাপনৰ ষড়যন্ত্ৰ
সূত্ৰ অনুসৰি বহু অভিভাৱকে গোধৰাৰ ‘জয় জল ৰাম স্কুল’ত নিজৰ কেন্দ্ৰ স্থাপনৰ বাবে অভিযুক্তক ১০ লাখ টকাকৈ উৎকোচ দিছিল। অভিযুক্তক ধৰা পৰাৰ সময়ত তেওঁলোকৰ পৰা চেক উদ্ধাৰ কৰা হয়। যাৰ ওপৰত অভিভাৱকৰ ফোন নম্বৰ লিখা আছিল। তেওঁলোকৰ পৰা জানিব পৰা মতে অভিযুক্তৰ ২.৩০ কোটি টকাৰ লেনদেন আছিল।