আকৌ চৰ্চালৈ আহিছে অভিনেতা নয়ন নীলিম।
ফেচবুকৰ এটা ভিডিঅ’ত দেখা গৈছে এগৰাকী মডেল যুৱতীৰ সৈতে প্ৰচণ্ড কাজিয়া নয়ন নীলিমৰ। অন কেমেৰা নয়ন নীলিমৰ বিৰুদ্ধে গুৰুতৰ অভিযোগ যুৱতীগৰাকীৰ। নয়ন নীলিমে প্ৰেমৰ চলনাৰে জীৱনক লৈ খেলা কৰাৰ অভিযোগ যুৱতীগৰাকীৰ।
যুৱতীগৰাকীৰ অভিযোগ:
নিজকে নয়ন নীলিমৰ প্ৰেমিকা বুলি দাবী কৰা যুৱতীগৰাকীৰ অভিযোগ, নয়ন নীলিমে আন এগৰাকী যুৱতীক নিছিল হোটেললৈ। তাকে লৈ খৰ্গহস্ত হৈ পৰে যুৱতীগৰাকী। তাৰ পিছতে কথাৰ কটাকটি লাগে যুৱতীগৰাকী আৰু নয়ন নীলিমৰ মাজত। আৰু এই সমগ্ৰ দৃশ্য যুৱতীগৰাকীয়ে নিজৰ ম’বাইলত আবদ্ধ কৰে।
ভিডিঅ’টোৰ অন্তৰ্ভুক্তি:
ভিডিঅ’টোত যুৱতীগৰাকীয়ে কোৱা শুনা গৈছে, ‘‘হোটেলত নি তাইক কবি ভাল পাওঁ বুলি… মই হোল লাইফ তোৰ লগত থাকি তোক ভাল পাওঁ।’’ ইয়াৰ পিছতে কোঠাটোত থকা নয়ন নীলিমে কোৱা শুনা গৈছে, ‘‘তোৰ কাম নাই? তোৰ বয়ফ্ৰেণ্ড আছিলনে নাই? বয়ফ্ৰেণ্ড আছে ন তোৰ… অ’ মাই গড… মই তোক ভালেই নাপাওঁ।’’
ইয়াৰ পিছতে যুৱতীগৰাকীয়ে পুনৰ কৈছে, ‘‘তেন্তে কিয় প্লে’ কৰি আছিলি? কিয়? ঠিক আছে, আজি ডেৰ বছৰ ধৰি কিয় ক’ব পৰা নাই? This is the real face of Nayan Nilim।’’
ইয়াৰ পিছতে নয়ন নীলিমে কয়, ‘‘তোৰ ফেচটো কি? তোৰ ফেচটো কি? তই এইবিলাক কি কৰিবলৈ আহিছ? এইখন মোৰ ঘৰ হয়। তোৰ ঘৰত মই উৎপাত কৰিছো নেকি হা?’’
ইয়াৰ পিছতে যুৱতীগৰাকীয়ে ‘So this is Nayan Nilim’ বুলি কেমেৰাৰে মুখখন দেখুৱাবলৈ বিচাৰাত কেমেৰাটো আঁতৰাই দিয়া হয়। অৱশ্যে পৰৱৰ্তী সময়তহে পোহৰলৈ আহিব আচল ঘটনা কি?
অৱশ্যে ইয়াৰ পিছতে দুয়ো আন এটা ভিডিঅ’ৰ জৰিয়তে এয়া প্ৰেংক বুলি উল্লেখ কৰে। যুৱতীগৰাকীয়ে কয়, ‘‘তেতিয়া ভিডিঅ’টো ভুলতে গৈছে। আচলতে আমি ভিডিঅ’হে বনাই আছিলো। লাইভ হৈ আছে বুলি গম নাছিলো। এয়া কেৱল এক প্ৰেংকহে। প্ৰেংকটো কৈ দিব বিচৰা নাছিলো। কিন্তু সকলোৱে বহু বেছি টেনশ্যনত আহি গ’ল। সেয়ে ভাবিলো প্ৰেংকটো ডিছক্ল’জ কৰি দিওঁ। ইমান বেছি টেনশ্যন নিদিওঁ। সকলোৱে বেছি ছিৰিয়াছ গৈ গ’ল। মোক ঘৰৰ পৰাওঁ ফোন কৰিছে। সেয়ে ভাবিলো নাই এইটো প্ৰেংক নচলিব। স্পষ্ট কৰি দিয়াটোৱে ভাল হ’ব।’’
নয়ন নীলিম কয়, ‘‘ধন্যবাদ সকলোকে। চাই আছিলে আপোনালোকে। এইটো এটা ভিডিঅ’। ভাল অভিনেত্ৰী ভাল কথা।’’
